ممكن حل يا مديرة

بسم الله الرحمن الرحيم
شكرا يا محمد على ثقتك العالية فى المنتدى واتمنى ان الحل بتاعى يرضيك
اولا يا محمد انت نسيت حاجة مهمة اوى اوى (ان الزواج فى اى دولة عربية مش زواج 2بيحبوا بعض بس )دة بيبقى زواج 2 بتجمعهم عالتين كاملين من اول الاب والام لحد بان بنت الخال واكيد انت عارف حاجة زى كدة
والحكمة بتقول (ما بنى على باطل فهو باطل )
تعالى نحسبها كدة نتخيل ان انت فعلا اتجوزت البنت دى ووقعت فمشكلة لقدر الله بعد الزواج ودى اكيد وردة تفتكر البنت الى انت واخدة بالاسلوب دة باباها ولا ماماتها قيقفوا جنب اذا كانوا ما وقفوش جنبك وانت عايز تتجوزها هيقفوا جنبك فالمشاكل
ثانيا انا شايفة يا محمد ان كلام والدك كلة صح انا كأم لو ابنى جه قالى انا عايز فلانة بس مامتها بتقول عايزين كذا وكذا اول حاجة هفكر فيها ان الناس دى بتبيع بنتها تانى حاجة الناس دى مستغلة الحاجتين دول كفاية اوى انهم ينهوا اى علاقة حب بين 2
تالت حاجة والاهم يا محمد
انا حسيت من كلامك ان انت لسة بتدرس فى الجامعة او يعنى لسة مخلص يعنى لسة ادامك الحياة طويلة لسة عايز تدور على شغل وتشتغل واكيد فى الشغل دة هتلاقى بنت احسن من كدة بكتير واوعى تقول لنفسك ان دى اخر بنت فالدنيا وانك مش هتقدر ترتبط بوحدة غيرها
انا عارفة ان العشرة مش سهلة بس عشرة الزواج برضة مش سهلة
نصيحتى يا محمد انك تنسى الموضوع دة وتسمع كلام والدك وتفكر فى مستقبلك وشغلك او دراستك عشان حتى لما تدخل بيت اى واحدة انت عايوها تبقى جدير بالبيت دة
وما تسمعش الكلام الى بيقول ان لازم يبقى فى حب قبل الزواج الكلام دة غلط خالص زى حاجات كتير غلط جتلنا من برة واحنا مقتنعين بيها
انت اسمك محمد يعنى مسلم وقدوتانا (سيدنا محمد صلى الله علية وسلم)
الرسول ماكنش فى حب بينه وبين اى زوجة من زوجاته قبل الزواج دة حتى هو ما شفهمش ومع ذلك تعالى بص على اكبر قصة حب فى التاريخ هتلاقيها بين سيدنا محمد وبين السيدة عائشة بعد الزاوج
وفق الله وهداك
اتمنى لك حياة سعيدة